शेतकऱ्यांनो शेतमाल सांभाळा…नगरमध्ये 10 लाखांचे डाळींब चोरणारे तिघे गजाआड

मापारवाडी, लोणी, ता. राहात येथील शेतक-याचे शेतातील,
10 लाखाचे डाळींब चोरी करणारे 3 आरोपी जेरबंद.
स्थानिक गुन्हे शाखा, अहमदनगरची कारवाई.
—————————————————————————————————————
प्रस्तुत बातमीची हकीगत अशी की, दिनांक 29 जुलै, 2024 रोजी फिर्यादी श्री. विजय शिवाजी मापारी वय 36, रा. मापारवाडी लोणी खु, ता. राहाता यांचे 3 एकर शेतातील अंदाजे 14 टन वजनाचे 10,00,000/- रुपये किंमतीचे भगवा जातीचे डाळींबाचे पुर्णवाढ झालेले फळ अनोळखी चोरट्यांची चोरुन नेले बाबत लोणी पो.स्टे.गु.र.नं. 443/2024 भारतीय न्याय संहीता कलम 303 (2) प्रमाणे चोरीचा गुन्हा दाखल आहे.
सदरची घटना घडल्यानंतर मा. श्री. राकेश ओला साहेब, पोलीस अधीक्षक अहमदनगर यांनी पोनि/श्री. दिनेश आहेर, स्थानिक गुन्हे शाखा, अहमदनगर यांना स्थानिक गुन्हे शाखेतील पोलीस अधिकारी व अंमलदार यांचे पथक नेमुन वर नमुद गुन्ह्याचा समांतर तपास करुन गुन्हा उघडकीस आणणे बाबत आदेशित केले होते.
नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोउपनि/समाधान भाटेवाल, पोकॉ/प्रमोद जाधव, सागर ससाणे, आकाश काळे, मयुर गायकवाड, फुरकान शेख व चापोहेकॉ/चंद्रकांत कुसळकर अशांचे पथक नेमुन गुन्ह्याचा सखोल व बारकाईने तपास करुन गुन्हा उघडकीस आणणे बाबत आवश्यक सुचना देवुन पथकास रवाना केले. पथक लोणी, राहाता व शिर्डी परिसरात फिरुन रेकॉर्डवरील अशा प्रकारचे गुन्हे करणारे आरोपींची माहिती घेत असताना पथकास वर नमुद गुन्हा हा इसम नामे आदीनाथ माळी रा. धानोरा झरेकाठी, ता. संगमनेर याने त्याचे इतर साथीदारांसह केला असुन तो त्याचे 2 साथीदारांसह चिंचोली फाटा, ता. राहुरी येथे चहाचे टपरीवर बसलेला आहे, आता गेल्यास मिळुन येईल. अशी खात्रीशीर माहिती मिळाल्याने, पथकाने लागलीच बातमीतील नमुद ठिकाणी चिंचोली फाटा, ता. राहुरी येथे जावुन खात्री केली असता एका चहाच्या टपरीवर बातमीतील वर्णना प्रमाणे 3 इसम बसलेले दिसले. पथकाची खात्री होताच तिन्ही संशयीतांना शिताफीने ताब्यात घेतले. ताब्यात घेतलेल्या संशयीतांना पोलीस पथकाची ओळख सांगुन त्यांचे नाव गांव विचारले असता त्यांनी त्यांचे नाव 1) आदीनाथ गोविंद माळी वय 25, रा. धानोरा झरेकाठी, ता. संगमनेर, 2) अमोल नामदेव पवार वय 24, रा. म्हैसगांव, ता. राहुरी व 3) आनंद संजय पवार वय 19, रा. चिंचोली फाटा, ता. राहुरी असे असल्याचे सांगितले. त्यांचेकडे वर नमुद गुन्ह्याचे अनुषंगाने विचारपुस करता सुरुवातीस ते उडवा उडवीची उत्तरे देवु लागले. ताब्यातील संशयीतांना अधिक विश्वासात घेवुन सखोल व बारकाईने चौकशी करता त्यांनी त्यांचे इतर साथीदार नामे 4) अविनाश सुभाष माळी (फरार), 5) अजय जालींदर माळी (फरार), 6) शंकर पवार (फरार) अ.क्र. 4 ते 6 रा. चिंचोली फाटा, ता. राहुरी, 7) विकास काळे (फरार), 8) पवन मधे (फरार), 9) आकाश काळे (फरार) अ.क्र. 7 ते 9 रा. म्हैसगांव, ता. राहुरी व 10) अवि गवळी (फरार) रा. गोदावरी वसाहत, ता. राहुरी अशांनी मिळुन मापारवाडी, लोणी येथील शेतक-याचे शेतातील डाळींबाचे बागेतील डाळींब चोरी केल्याचे सांगितल्याने ताब्यातील तिन्ही आरोपींना लोणी पोलीस स्टेशन येथे हजर केले आहे. पुढील तपास लोणी पोलीस स्टेशन करीत आहे.
सदरची कारवाई मा. श्री. राकेश ओला साहेब, पोलीस अधीक्षक, अहमदनगर, मा. श्री. वैभव कलुभर्मे साहेब, अपर पोलीस अधिक्षक, श्रीरामपूर व मा. श्री. शिरीष वमने साहेब, उपविभागीय पोलीस अधिकारी, शिर्डी विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.