ढाकणे पॉलिटेक्निकचा उन्हाळी परीक्षा २०२४चा ९२ टक्के निकाल

ढाकणे पॉलिटेक्निकचा उन्हाळी परीक्षा २०२४चा ९२ टक्के निकाल
शेवगाव – राक्षी ता. शेवगाव येथील कै. सौ. सुनिताताई एकनाथराव ढाकणे पॉलिटेक्निक कॉलेज, शेवगाव या तंत्रनिकेतन महाविद्यालयातील विद्यार्थ्यांनी उन्हाळी परीक्षा २०२४मध्ये दैदिप्यमान यश संपादित केले आहे. प्रथम वर्ष अभियांत्रिकीचा निकाल ९३.६०% तर द्वितीय वर्षाचा निकाल ९१.१२% तर तृतीय वर्षाचा निकाल ९३.३०% लागला असल्याची माहिती संस्थेचे मुख्य कार्यकारी अधिकारी प्रा. श्रीकांत ढाकणे यांनी दिली आहे. प्रथम वर्षातील नाटकर साक्षी राजेंद्र ही विद्यार्थीनी ७६.८२% गुणांसह प्रथम आली असून द्वितीय वर्षातून आंधळे महेश दादासाहेब या विद्यार्थ्याने ७९.१४% गुणांसह प्रथम क्रमांक मिळवला आहे तर तृतीय वर्षातून शेवाळे तिर्थराज आबासाहेब हा विद्यार्थी ७६.११% गुणांसह प्रथम आला आहे. १६ विद्यार्थी विशेष प्राविण्यासह उत्तीर्ण झाले असून ३५८ विद्यार्थी प्रथम श्रेणीत उत्तीर्ण झाले आहेत. तंत्रनिकेतनचा एकंदर निकाल ९२ टक्के लागला आहे.