Thursday, July 25, 2024

अजित पवार गटाबरोबर भाजपचे दहा माजी नगरसेवक शरद पवार गटात येणार!

पिंपरी- चिंचवड हा अजित पवारांचा बालेकिल्ला मानला जातो. पिंपरी- चिंचवड राष्ट्रवादी अजित पवार गटाचे शहराध्यक्ष अजित गव्हाणे हे त्यांच्या इतर काही सहकाऱ्यांसह शरद पवार गटात जाण्याच्या हालचाली सुरू आहेत. नुकतीच शरद पवार यांची भेट घेऊन याबाबत सकारात्मक चर्चा झाल्याचं समोर आलेले आहे. परंतु, याबाबत शरद पवार हेच निर्णय घेतील, मी केवळ त्यांची भेट घडवून आणली असं मत शरद पवार गटाचे शहराध्यक्ष तुषार कामठे यांनी व्यक्त केलं आहे.

भाजपचे दहापेक्षा अधिक नगरसेवक माझ्या संपर्कात असून त्यांची देखील शरद पवार यांच्यासोबत भेट घडवून आणणार असल्याचे कामठे यांनी म्हटले आहे. आगामी काळात राष्ट्रवादी अजित पवार गट आणि भाजपचे अनेक माजी नगरसेवक शरद पवार गटात दिसू शकतात. तसे झाल्यास राष्ट्रवादी अजित पवार गट आणि भाजपची डोकेदुखी वाढू शकते. सध्या शरद पवार गटाने तिन्ही विधानसभांवर दावा केला असून जिंकण्याचा चंग शहराध्यक्ष तुषार कामठे यांनी बांधला आहे.

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles