Monday, March 4, 2024

राज्यातील अंगणवाडी सेविकांचा संप अखेर मागे; महिला व बालविकास मंत्र्यांच्या शिष्टाईला यश

मुंबई : गेल्या अनेक दिवसांपासून सुरू असलेल्या राज्यभरातील अंगणवाडी सेविकांचा संप अखेर शुक्रवारी मागे घेण्यात आला आहे. अंगणवाडी सेविकांच्या मागण्यांसंदर्भात महिला व बालविकासमंत्री आदिती तटकरे यांच्यासह संघटनांच्या झालेल्या बैठकीनंतर हा संप मागे घेण्याची घोषणा अंगणवाडी सेविकांनी केली.

दरम्यान, अंगणवाडी सेविकांच्या प्रश्नासंदर्भात लवकरच बैठका घेऊन तोडगा काढण्यात येईल, असे आश्वासन या वेळी देण्यात आल्याची माहिती देण्यात आली आहे.राज्यातील अंगणवाडी सेविका आणि मदतनीस यांच्या विविध मागण्यासंदर्भात अनेक दिवसांपासून संप सुरू होता. तो मागे घेण्यासंदर्भात शुक्रवारी महिला व बालविकासमंत्री आदिती तटकरे यांच्या अध्यक्षतेखाली एक विशेष बैठक पार पडली. या बैठकीनंतर वरील निर्णय जाहीर करण्यात आला आहे. या बैठकीत महिला व बालविकास सचिव अनुप कुमार, एकात्मिक बाल विकास सेवा योजना आयुक्त रुबल अग्रवाल यांच्यासोबत वारंवार झालेल्या बैठकीत समाधानकारक आणि आशादायी चर्चा झाली. त्यामुळे आम्ही संप मागे घेत असल्याचे सर्व संघटनांनी जाहीर केले.
या बैठकीत अंगणवाडी सेविका आणि मदतनीस यांना पेन्शन लागू करण्यासाठी संघटनांकडून अभिप्राय घ्यावेत. हे अभिप्राय व बँकांकडून प्राप्त होणारे प्रस्ताव यांचा एकत्रित अभ्यास करून एकात्मिक बाल विकास सेवा योजना आयुक्त यांनी तातडीने प्रस्ताव सादर करून वित्त व नियोजन विभागाकडे पाठवावा. तर सर्वोच्च न्यायालयाच्या आदेशाप्रमाणे अंगणवाडी कर्मचाऱ्यांना ग्रॅच्युइटी देण्याबाबत एकात्मिक बाल विकास सेवा योजना यांच्याकडून प्राप्त प्रस्तावावर विधी व न्याय विभागाचा अभिप्राय घेऊन वित्त व नियोजन विभागाकडे पाठविण्यात यावा, असे निर्देश महिला व बाल विकासमंत्री आदिती तटकरे यांनी दिले.

Related Articles

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles