मुंबईतील सोमय्या मैदानात भाजपातर्फे आयोजित #महाराष्ट्रदिन सन्मान सोहोळ्यानिमित्त आयोजित सभेला विरोधी पक्षनेते देवेंद्र फडणवीस संबोधित केले. या सभेला भाजपचे राष्ट्रीय सरचिटणीस विनोद तावडे, सहप्रभारी जयभान सिंह पवैया, चंद्रकांतदादा पाटील, प्रवीण दरेकर, मंगल प्रभात लोढा, खा. गोपाळ शेट्टी, खा. मनोज कोटक, आशीष शेलार, अतुल भातखळकर आणि सर्व लोकप्रतिनिधी उपस्थित होते. त्यावेळी फडणवीस यांनी मांडलेले प्रमुख मुद्दे असे:
➡️ आजचा दिवस हा अनेक महनियांना वंदन करण्याचा दिवस.
पण काही लोकांना असे वाटते, ते म्हणजे महाराष्ट्र, त्यांचा सन्मान म्हणजे महाराष्ट्राचा सन्मान आणि त्यांचा अवमान म्हणजे महाराष्ट्राचा अवमान.
पण लक्षात ठेवा महाराष्ट्राची 12 कोटी जनता म्हणजे महाराष्ट्र आहे.
➡️ लक्षात ठेवा तुम्ही म्हणजे महाराष्ट्र नाही.
तुम्ही म्हणजे मराठी नाही.
खरं तर तुम्ही म्हणजे हिंदू नाही.
पण मी असे म्हणणार नाही.
कारण मला हिंदूंची संख्या कमी करायची नाही.
पण हे नक्की म्हणतो की तुम्ही म्हणजे हिंदुत्व नाही.
➡️ भोंगे उतरवायला ज्यांची हातभार फाटते,
ते म्हणतात आम्ही बाबरी पाडली.
काय विनोद आहे?
बाबरी पाडल्याबद्दल ज्या 32 नेत्यांवर आरोपपत्र दाखल झाले त्यात तुमचा एक महाराष्ट्राचा नेता दाखवा.
32 नावे आरोपींच्या यादीत लालकृष्ण अडवाणी, डॉ. मुरलीमनोहर जोशी, स्व. कल्याणसिंग, उमा भारती, विनय कटियार, साध्वी ऋतंभरा, महंत नृत्य गोपालदास, रामविलास वेदांती, जयभागसिंग पवैया, आचार्य धर्मेंद्र जी यांची नावे.
➡️ हनुमान चालिसा आता राजद्रोह होतो.
माझा तुम्हाला एक प्रश्न आहे?
हनुमान चालिसाने केवळ रावणाचे सरकार उलथवले जाते, रामाचे नाही. आता सांगा तुम्ही रामाच्या बाजूचे की रावणाच्या.
➡️ या देशात एक वाघ तयार झाला मा. पंतप्रधान नरेंद्र मोदीजी यांच्या रूपाने, ज्यांनी कलम 370 रद्द करून दाखविले.
आता शिवसेना म्हणते, तुम्ही पाकिस्तानबद्दल काय बोलता, चीनबाबत बोला ना. काय अवस्था झाली शिवसेनेची.
➡️ आज पत्रकारांवर हल्ले, कारवाया.
किरीट सोमय्या यांच्यासह अन्य नेत्यांवर हल्ले.
माध्यमांवर किती बंधने?
आणिबाणीची अवस्था आणून ठेवली या महाविकास आघाडी सरकारने.
➡️ मुख्यमंत्र्यांची आजची मुलाखत आणि पुन्हा तेच टोमणे.
दंतकथा, धक्का, पाठीत वार, खेळ, मार्केटिंग, भोंगे-पुंगी, माकडचाळे, बेडुकउड्या, पोटदुखी, बुद्धीबळ, चिरडणे, लढणे, मरणे, रडणे, पीडित, चाटण, बागुलबुवा, हात तोडणे, तमाशे, पोळी, बोंबा, नौटंकी.
➡️ महाविकास आघाडी सरकारने मदत कुणाला केली? बिल्डर, दारु दुकानदार, विदेशी मद्यपिंना.
बारा बलुतेदारांना काहीच नाही.
➡️ मुख्यमंत्र्यांचे ‘वर्क फ्रॉम होम’ माहिती होते.
आता सरकारचे ‘वर्क फ्रॉम जेल’ सुरू आहे.
➡️ आता मुख्यमंत्री म्हणतात तुटून पडा
पण, लक्षात ठेवा, अंगावर आलात तर तुम्ही तुटालही आणि पडालही.
पोलिसांच्या बळावर हल्ले काय करता? आम्ही घाबरणार नाही.
तुटून पडण्याची खुमखुमी, चला तुम्हाला आव्हान देतो….
जमलंच तर तुटून पडा ना भ्रष्टाचार्यांच्या टोळीवर
किती दिवस तूप ओढणार आपणच आपल्या पोळीवर!
आला कोरोना, घर भरोना हीच तुमची नीती ठरली
यशवंत म्हणतो मी तर माझ्या मातोश्रींचीच झोळी भरली
कुणी घडीवर कुणी माडीवर, कोट्यवधींचाच वाढला वावर
जमलंच तर तुटून पडा ना भ्रष्टाचार्यांच्या टोळीवर!
कोरोनाच्या लाटेत करोडोचे भरले गल्ले
मरणार्यांचे टाहो मात्र तुमच्या कानी नाही पडले!
ताव मारत राहिला तुम्ही कोविड सेंटरच्या मलाईवर
जमलंच तर तुटून पडा ना भ्रष्टाचार्यांच्या टोळीवर
अडीच वर्षाच्या कारकिर्दीत मंत्रालयही पडले ओस
नातेवाईकांच्या हिताची काही जणांना भारी हौस
शेतकरी आणि कष्टकरी सोडला तुम्ही वार्यावर
जमलंच तर तुटून पडा ना भ्रष्टाचार्यांच्या टोळीवर
लोडशेडिंगने वाजले बारा,
वीजबिल वसुलीचा तुघलकी फेरा
उभं शिवार जळतंय पाण्यावाचून घोटभर
जमलंच तर तुटून पडा ना भ्रष्टाचार्यांच्या टोळीवर
संपामुळे तीन महिने, बंद पडली लालपरी,
हजारो कर्मचार्यांची वाळून गेली शिदोरी
तरीही फरक नाही पडला तुमच्या मंत्री परबांवर
जमलंच तर तुटून पडा ना भ्रष्टाचार्यांच्या टोळीवर
तुमच्या नाकर्तेणामुळे गेले ओबीसी आरक्षण
वर्षे झालं तरी तुमचं सुरू आहे फक्त सर्वेक्षण
वंचित ओबीसी बांधव उपेक्षित आहे राज्यभर
जमलंच तर तुटून पडा ना भ्रष्टाचार्यांच्या टोळीवर
दलित, आदिवासींच्या प्रश्नाकडे तुमचा कायम कानाडोळा
खावटी अनुदान योजनाही उडवून गेला तुमचा कावळा
जमलंच तर लक्ष द्या कुपोषितांच्या पोषणावर
जमलंच तर तुटून पडा ना भ्रष्टाचार्यांच्या टोळीवर
➡️ मुंबईची निवडणूक का महत्त्वाची?
सत्तेसाठी नाही, तर आपल्याला मुंबईकरांसाठी संघर्ष करायचा आहे.
मुंबईकरांना त्यांची मुंबई पुन्हा सोपविणे, हेच आपले ध्येय, हाच आपला संघर्ष
