वाराणसीत पंतप्रधान नरेंद्र मोदी यांना राष्ट्रवादी काँग्रेसचे नेते प्रफुल पटेल यांनी जिरेटोप घालून त्यांचं स्वागत केलं. यानंतर आता विविध स्तरातून टीकेची झोड उठली आहे. अखिल ब्राह्मण महासंघाचे अध्यक्ष आनंद दवे यांनी आता याप्रकरणी टीका केली आहे. पंतप्रधान नरेंद्र मोदी यांना जिरेटोप घालण्याचं प्रफुल्ल पटेल यांचं धाडस कसं झालं. उद्या पंतप्रधान जर रायगडावर गेले तर त्यांना तिथल्या सिंहासनावर सुद्धा बसवणार का? असा संतप्त सवाल आनंद दवे यांनी केला आहे.
संभाजी ब्रिगेडनेही यावर संतप्त प्रतिक्रिया दिली आहे. कोणत्याही कपड्यावर छत्रपती शिवाजी महाराजांचा जिरेटोप घालणं ही न शोभणारी गोष्ट आहे. पंतप्रधान नरेंद्र मोदी छत्रपती नाहीत, हे प्रफुल पटेल यांना समजलं पाहिजे, छत्रपतींचा जिरेटोप कधी घातला जातो याची जाण पाहिजे, असं संभाजी ब्रिगेडचे संतोष शिंदे यांनी म्हटलं आहे.
पंतप्रधान मोदींनी आज वाराणसी लोकसभा मतदारसंघातून उमेदवारी अर्ज दाखल केला. यावेळी त्यांनी पंतप्रधान नरेंद्र मोदी यांनी उत्तर प्रदेशातील वाराणसी येथे केंद्रीय मंत्री राजनाथ सिंह, अमित शहा, भाजपचे राष्ट्रीय अध्यक्ष जेपी नड्डा, उत्तर प्रदेशचे मुख्यमंत्री योगी आदित्यनाथ यांच्यासहर NDAच्या नेत्यांची भेट घेतली. यावेळी राष्ट्रवादी काँग्रेस अजित गटाचे नेते प्रफुल पटेल उपस्थित होते. यावेळी त्यांनी प्रफुल पटेल यांनी नरेंद्र मोदींचा जिरेटोप घालून सत्कार केला. त्यामुळे सर्व स्तरातून टीकेची झोड उठली आहे.
