Sunday, July 14, 2024

अंतरवालीत ड्रोनने घिरट्या… मनोज जरांगेंना झेड प्लस सुरक्षा द्या, मराठा बांधव आक्रमक

मनोज जरांगे पाटील यांना झेड प्लस सुरक्षा द्या अशी मागणी करत छत्रपती संभाजीनगरमधील मराठा बांधव आक्रमक झाला आहे. आज छत्रपती संभाजीनगरमधील केंब्रिज चौकात सकल मराठा समाजातर्फे रास्ता रोको करण्यात आला. या रास्ता रोकोमुळे रस्त्यावर मोठी वाहतूक कोंडी झाल्याचे पाहायला मिळाले.
याबाबत सविस्तर माहिती अशी की, मराठा आंदोलक मनोज जरांगे पाटील यांच्या अंतरवली सराटी येथील निवासस्थानी आणि आंदोलनाच्या ठिकाणी रात्रीच्या वेळी काही अज्ञात ड्रोनद्वारे टेहळणी केल्याचा प्रकार समोर आला आहे. या प्रकारामुळे जरांगे पाटील यांच्या सुरक्षेचा प्रश्न ऐरणीवर आला असून सकल मराठा समाज चांगलाच आक्रमक झाला आहे.

याच पार्श्वभूमीवर आज छत्रपती संभाजीनगर शहरातील केंब्रिज चौकात सकल मराठा समाजातर्फे रास्ता रोको आंदोलन करण्यात आले. मनोज जरंगे पाटील यांच्या सुरक्षिततेची काळजी म्हणून त्यांना झेड प्लस सुरक्षा देण्यात यावी आणि त्यांच्यावर पाळत ठेवणाऱ्या लोकांचा शोध घ्यावा या प्रमुख मागणीसाठी हे आंदोलन करण्यात आले. यावेळी आंदोलकांनी जोरदार घोषणाबाजी केली.
दरम्यान, दोन दिवसांपूर्वी मनोज जरांगे पाटील हे राहत असलेल्या अंतरवालीच्या सरपंचांच्या घरावर ड्रोनने घिरट्या घातल्याचे समोर आले होते. याबाबत सरपंच पांडुरंग तारख यांनी माहिती देत जरांगे पाटलांना झेड प्लस सुरक्षा देण्याची मागणी केली होती. याबाबत जिल्हाधिकाऱ्यांना निवेदनही देण्यात आले होते.

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles