जिल्हा परिषद कर्मचारी सोसायटीच्या अध्यक्षपदी कल्याण मुटकुळे,उपाध्यक्षपदी मनिषा साळवे…

जिल्हा परिषद कर्मचारी सोसायटीच्या चेअरमनपदी कल्याण मुटकुळे, व्हा.चेअरमन पदी मनिषा साळवे
अहिल्यानगर – अहिल्यानगर जिल्हा परिषद कर्मचारी सोसायटीच्या चेअरमनपदी कल्याण रामदास मुटकुळे व व्हा. चेअरमन पदी श्रीमती मनिषा भिकचंद साळवे यांची एकमताने बिनविरोध निवड करण्यात आली आहे. जिल्हा उपनिबंधक कार्यालयातील अध्यासी अधिकारी किरण आव्हाड यांचे अध्यक्षते खाली झालेल्या संचालक मंडळाच्या सभेत ही निवड करण्यात आली.
चेअरमनपदासाठी मुटकुळे यांच्या नावाची सुचना संचालक राजु दिघे यांनी मांडली, सदर सुचनेस स्वप्नील शिंदे यांनी अनुमोदन दिले. व्हा. चेअरमनपदासाठी साळवे यांच्या नावाची सुचना संचालिका श्रीमती सुरेखा महारनूर यांनी मांडली त्यास विलास शेळके यांनी अनुमोदन दिले.
या प्रसंगी नूतन चेअरमन कल्याण मुटकुळे म्हणाले, सभासदांना दिलेल्या आश्वासनांची १०० टक्के पूर्तता करण्याचे काम संचालक मंडळ करत आहे. संस्थेचे आर्थिक हित व सभासदांचे हित हेच डोळ्यासमोर ठेवून सहकारी संचालक व सभासदांच्या सहकार्याने विविध योजना राबविण्यात येतील असे ते म्हणाले. व्हा.चेअरमन श्रीमती मनिषा साळवे यांनी सर्व सहकारी संचालकांचे आभार मानून सभासदांच्या हिताचे निर्णय घेवू असे सांगितले.
सदर प्रसंगी संस्थेचे संचालक संजय कडूस, प्रशांत मोरे, विक्रम ससे, अरुण जोर्वेकर, भाऊसाहेब चांदणे, दिलीप डांगे, चंद्रकांत संसारे, ऋषिकेश बनकर, श्रीमती ज्योती पवार, सुधीर खेडकर, श्रीकांत देशमाने, काशिनाथ नरोडे, कैलास डावरे, योगेंद्र पालवे, संभाजी आव्हाड, प्रशांत निमसे, संस्थेचे व्यवस्थापक राजेंद्र पवार, उपव्यवस्थापक प्रशांत लोखंडे, संस्थेचे सभासद गोरख शेळके, अनिल पंडित उपस्थित होते.
फोटो ओळी – अहिल्यानगर जिल्हा परिषद कर्मचारी सोसायटीच्या चेअरमनपदी कल्याण मुटकुळे व व्हा. चेअरमन पदी श्रीमती मनिषा साळवे यांची बिनविरोध निवड झाल्यानंतर त्यांचा सत्कार करताना जय श्री गणेश पॅनलचे नेते संजय कडूस, विलास शेळके, अरुण जोर्वेकर, योगेंद्र पालवे व संचालक मंडळ.