भाजप आमदार गणपत गायकवाड यांनी पोलीस ठाण्यात गोळीबार केला. शिंदे गटाच्या शहर प्रमुख महेश गायकवाड यांच्यावर गोळीबार करण्यात आला. त्यानंतर राज्यातील राजकारण तापले आहे. राष्ट्रवादी काँग्रेस शरद पवार गटाच्या नेत्या सुप्रिया सुळे यांनी या प्रकरणात देवेंद्र फडणवीस यांच्या राजीनाम्याची मागणी केली. त्यावर राष्ट्रवादी काँग्रेसचे अजित पवार गटाचे नेते आणि मंत्री छगन भुजबळ यांनी उपरोधिक टोला लगावला आहे. फडणवीस यांनी काय लोकांना गोळ्या मारण्यास सांगितले होते का? असा प्रश्न त्यांनी उपस्थित करत सुप्रिया सुळे यांना टोला लगावला. फडणवीस यांनी काय लोकांना गोळ्या मारण्यास सांगितले होते का ? या प्रकरणात त्यांचा काय संबंध ? या प्रकरणात दोन लोकांचे वैयक्तीक भांडण दिसत आहे. अशी वैयक्तीक भांडणे सुरुच असतात. मला सुद्धा एक जण धमकी देत आहे. जीवे मारण्याची धमकी देत आहे. आता या प्रकरणात फडणवीस काय करणार ? ते कायद्यानुसार कारवाई करतील.
