Monday, July 22, 2024

सुनेत्रा पवार केंद्रात मंत्रीपद मिळणार? अजित पवार यांच्या पत्नी स्पष्टच म्हणाल्या…

राष्ट्रवादी काँग्रेस पक्षाच्या अजित पवार गटाचे राष्ट्रीय अध्यक्ष उपमुख्यमंत्री अजित पवार यांच्या पत्नी सुनेत्रा पवार यांचा नुकताच बारामती लोकसभा मतदारसंघात सुप्रिया सुळे यांच्याकडून पराभव झाला. त्यानंतर काही दिवसांतच त्यांना राज्यसभेसाठी उमेदवारी देण्यात आली आहे. प्रफुल पटेल यांच्या राजीनाम्यानंतर रिक्त झालेल्या जागेसाठी सुनेत्रा पवार यांनी अर्ज दाखल केला. अर्ज दाखल केल्यानंतर पुण्यात पत्रकार परिषदेला संबोधित करत असताना सुनेत्रा पवार यांना राज्यमंत्रीपदाबाबत प्रश्न विचारण्यात आला होता. यावेळी त्यांनी मंत्रीपदाबाबत आपण सकारात्मक असल्याचे म्हटले. त्यामुळे आता राष्ट्रवादीच्या कोट्यातले एक मंत्रीपद अजित पवार यांच्या पत्नीला मिळणार का? अशी चर्चा सुरू आहे.

सुनेत्रा पवार यांना राज्यमंत्रीपद देण्यात यावे, असा ठराव पुणे शहर राष्ट्रवादी काँग्रेस पक्षाने केला आहे. अशी संधी मिळाली तर राज्यमंत्रीपदाची जबाबदारी घेणार का? असा प्रश्न सुनेत्रा पवार यांना पत्रकार परिषदेत विचारण्यात आला. यावर त्यांनी उत्तर दिले की, “माझ्या पक्षाचे हे मोठेपण आहे. त्यांना माझ्याकडून अपेक्षा आहेत. मला जर संधी मिळाली तर नक्कीच त्या संधीचे सोने करण्यासाठी मी प्रयत्न करेन.”

बारामतीमधील पराभवाबाबत बोलताना सुनेत्रा पवार म्हणाल्या की, लोकसभा निवडणुकीत प्रचारादरम्यान आम्हाला अतिशय चांगला प्रतिसाद मिळत होता. पण जनतेचा कौल आता स्वीकारावा लागेल. पराभव का झाला, याचे विश्लेषण आम्ही करत आहोत. त्यातून आत्मपरिक्षण नक्कीच केले जाईल. काय घडले, याचा शोध घेऊन पुढील निवडणुकीत त्यावर काम करण्याचा प्रयत्न करू.

Related Articles

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles