Sunday, July 14, 2024

इंग्रजीतून शपथ घेतल्यानंतर निलेश लंकेंची मोठी प्रतिक्रिया; म्हणाले आता लोकांना रिजल्ट द्यायचा

देशात तिसऱ्यांदा राष्ट्रीय लोकशाही आघाडीचं सरकार स्थापन झालं असून नव्या १८ व्या लोकसभेचं अधिवेशनही चालू झालं आहे. अधिवेशनच्या पहिल्या दोन दिवसांत नवनिर्वाचित खासदारांचा शपथविधी पार पडला. यावेळी अनेक खासदारांनी त्यांच्या मातृभाषेत शपथ घेतली. तर काहींनी इंग्रजीतून शपथ घेतली. ज्या उमेदवाराला इंग्रजी भाषेविषयी डिवचण्यात आलेलं त्याच उमेदवाराचा विजय झाल्यानंतर त्यांनी सभागृहात इंग्रजी भाषेतूनच शपथ घेतली. राष्ट्रवादी शरद पवार गटाच्या निलेश लंकेंच्या या कृतीमुळे त्यांच्यावर सर्वत्र कौतुकाचा वर्षाव होतोय. दरम्यान, त्यांनी आता याविषयी त्यांची प्रतिक्रियाही दिली आहे. ते टीव्ही ९ मराठीशी बोलत होते.

शपथविधीनंतर त्यांनी प्रतिक्रिया दिली. ते म्हणाले, निवडणुकीत माझ्यावर काही आरोप केले. संसदेत गेल्यावर इंग्रजीत बोलावं लागतं. तो मुद्दा गाजला. मला ट्रोल केलं गेलं. त्या मुद्द्याला बगल देण्याकरता मी बोलायचो की संसदेत इंग्रजीत बोलणारा खासदार हवाय की तुमची प्रभावीपणे बाजू मांडणारा हवाय? याचा प्रभाव मतदारांवर पडला. विजयी झाल्यानंतर मी एका मुलाखतीत सांगितलं की संसदेत जेव्हा जाईन तेव्हा पहिलं जे बोलेन ते इंग्रजीत बोलेन. त्यामुळे आज मी शपथ इंग्रजीत घेतली.”

इंग्रजीची तयारी कशी केली? असं विचारलं असता ते म्हणाले, “तयारी करायला एवढं अवघड काय नसतं. कोणी आईच्या पोटातून शिकून येत नाही. पाण्यात पडल्यावर माणूस पोहोतो. इंग्रजीत शपथ घ्यायची होती, ती घेऊन टाकली. माझंही शिक्षण आहेच ना.”

तुमच्या इंग्रजीतील शपथविधी म्हणजे सुजय विखे यांना उत्तर आहे का? असं विचारलं असता ते म्हणाले, “उत्तर नाही म्हणता येणार. विषय सोडून द्यायचा. आता जोमाने कामाला लागायचं. लोकांचं एवढं मोठं कर्ज डोक्यावर आहे. लोकांचं काम करायचं. लोकांना रिजल्ट द्यायचा”, असंही ते म्हणाले.

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles