Monday, July 22, 2024

नगर तालुक्यातील हॉटेल व्यावसायिकाचे घर भरदिवसा फोडले ,४ लाखांचा ऐवज चोरट्यांनी केला लंपास

नगर तालुक्यातील चास शिवारातील एका हॉटेल व्यावसायिकाचे बंद घर चोरट्यांनी दिवसा फोडून सुमारे 10 तोळ्याचे सोन्याचे दागिने, 20 हजारांची रक्कम असा चार लाख 10 हजारांचा ऐवज चोरून नेला. सदरची घटना बुधवारी (26 जून) सकाळी 10 ते दुपारी पावणे दोनच्या सुमारास घडली. याप्रकरणी नगर तालुका पोलीस ठाण्यात रात्री पावणे बारा वाजता घरफोडीचा गुन्हा दाखल करण्यात आला आहे. अंबादास विश्वनाथ फलके (वय 57 रा. चास) यांनी फिर्याद दिली आहे. फलके यांनी त्यांचे राहते घर बुधवारी सकाळी 10 वाजता बंद केले होते. त्यानंतर चोरट्यांनी बंद घराचे कुलूप तोडून आत प्रवेश केला.

घरातील पाच तोळ्याचा सोन्याचा नॅकलेस, साडेतीन तोळ्याचा सोन्याचा राणीहार, पाऊण तोळ्याचे सोन्याचे कानातील टॉप्स, अर्धा तोळ्याची सोन्याची अंगठी व 20 हजारांची रोकड असा चार लाख 10 हजार रुपयांचा ऐवज चोरून नेला. सदरचा प्रकार दुपारी पावणे दोनच्या सुमारास उघडकीस आला. त्यानंतर फलके यांनी नगर तालुका पोलिसांना माहिती दिली. पोलीस उपअधीक्षक (नगर ग्रामीण) संपत भोसले, तालुका पोलीस ठाण्याचे सहायक पोलीस निरीक्षक प्रल्हाद गिते यांनी पथकासह घटनास्थळी भेट दिली.

फलके यांनी रात्री उशिरा दिलेल्या फिर्यादीवरून घरफोडीचा गुन्हा दाखल करण्यात आला आहे. अधिक तपास पोलीस उपनिरीक्षक रंजित मारग करत आहेत. दरम्यान गेल्या काही दिवसांपासून नगर तालुक्यातील गावांत दिवसा घरफोडी होण्याचे प्रमाण वाढले असून गुन्ह्यांचा तपासही लागत नाही. घरफोड्या करणार्‍या टोळीला अटक करण्याची मागणी होत आहे.

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles