पुण्यात संतापलेल्या वसंत मोरे यांनी स्वत: चालवला हातोडा, दिला गंभीर इशारा…पाहा व्हिडीओ

पुण्यातील डॅशिंग, आक्रमक नेते अशी ओळख असलेले पुणेकरांचे तात्या अर्थात वसंत मोरे पुन्हा आक्रमक झाले आहेत. आता शिवसेना ठाकरे गटाचे नेते असलेले वसंत मोरे यांनी पुण्यात घडलेल्या गंभीर विषयाला हात घातला आहे. सोशल मीडियाच्या आधार घेत या विषयाला वाचा फोडली. स्वत: हातोडा हातात घेऊन कारवाई केली आहे. पुण्यातील कात्रज भागात एका गाईची हत्या झाली होती. त्यामुळे संतापलेल्या वसंत मोरे यांनी स्वत: त्या व्यक्तीच्या गोठ्यातील काही अनिधिकृत बांधकाम तोडले आहे. त्यासंदर्भात सोशल मीडियावर पोस्ट केली आहे.

कात्रजमधील मांगडेवाडी भागातील एका गोठ्यात शनिवारी गाईची हत्या करण्यात आली. या प्रकरणाची माहिती वसंत मोरे यांना मिळाली. त्यानंतर वसंत मोरे आणि त्यांचे काही कार्यकर्ते घटनास्थळी पोहचले. त्यांनी त्या गोठ्यावर हातोडा चालवला. तसेच या व्यक्तीच्या मागे आणखी कोण, कोण आहेत? त्याचा शोध घ्यावा, पोलिसांनी या प्रकरणी आरोपींवर कठोर कारवाई करावी, अशी मागणी वसंत मोरे यांनी केली.
https://x.com/vasantmore88/status/1837557894985945374?ref_src=twsrc%5Etfw%7Ctwcamp%5Etweetembed%7Ctwterm%5E1837557894985945374%7Ctwgr%5E83a2b0eee7af59e6e0628644198d3ae2b5e40876%7Ctwcon%5Es1_&ref_url=https%3A%2F%2Fwww.tv9marathi.com%2Fmaharashtra%2Fpune%2Fvasant-more-action-against-unauthorized-construction-in-pune-1273168.html