शरद पवारांबाबत बोलताना अजित पवारांचा कंठ दाटला; म्हणाले…मी त्यांच्याप्रती…

“राष्ट्रवादी काँग्रेस पक्षाचे काही महत्वपूर्ण नेते आज आपल्याबरोबर नाहीत. याची खंत आणि दु:ख माझ्या सारख्या कार्यकर्त्यांना आहे. राष्ट्रवादी काँग्रेस पक्षाच्या स्थापनेपासून २४ वर्ष पक्षाचे नेतृत्व करणारे आदरणीय शरद पवार यांनीही पक्षाला दिलेल्या समर्थ नेतृत्वाबद्दल आज पक्षाच्यावतीने आणि आपल्या सर्वांच्यावतीने मी त्यांच्याप्रती कृतज्ञता व्यक्त करतो”, असं म्हणताना अजित पवार यांचा कंठ दाटून आला. भाषण करताना ते काहीसे भावूक झाल्याचे पाहायला मिळाले. दरम्यान, यावेळी त्यांनी राष्ट्रवादी काँग्रेस पक्ष वाढण्यासाठी अनेकांनी घेतलेल्या मेहनतीबाबत बोलताना त्यांनी सर्वांचे आभार मानले.