सणावाराला किंवा सुट्ट्यांच्या दिवसांमध्ये या बसनी प्रवास करणाऱ्यांची संख्या वाढते आणि भयंकर गर्दी पाहायला मिळते. काही मार्गावर बसची संख्या कमी आहे पण त्या तुलनेने प्रवाशांची संख्या जास्त आहे. अशा बसमध्ये दर दिवशी गर्दी दिसून येते.व्हिडीओमध्ये बसमध्ये सीट पकडण्यासाठी प्रवाशांची धडपड सुद्धा दिसून येते.
व्हायरल व्हिडीओ एका बस स्थानकावरील असावा. लोकं राज्य मार्ग परिवहन महामंडळाच्‍या बसमध्ये चढताना दिसत आहे. पण बस पूर्णपणे भरलेली आहे तरीसुद्धा लोक बसमध्ये चढण्याचा प्रयत्न करत आहे. पुढे व्हिडीओत तुम्हाला दिसते की एक आजी बसमध्ये जुगाड करुन बसलेल्या आहेत. त्या बसमध्ये ड्रायव्हरच्या सीटच्या खाली जागा करुन बसल्या आहेत. बसच्या बाहेरुन त्या छोट्या खिडकीतून दिसतात. हा व्हिडीओ पाहून तुम्हीही थक्क व्हाल. काही लोकांना व्हिडीओ पाहून पोट धरुन हसायला येईल.
