Thursday, July 25, 2024

नगर तालुक्यातील शेतकर्‍याचे दिवसा घर फोडणारे दोघे सराईत अटकेत

नगर तालुक्यातील जांब शिवारात शेतकर्‍याचे घर फोडून पाच लाख 73 हजार 400 रुपयांचा ऐवज चोरून नेणार्‍या दोन सराईत गुन्हेगारांना स्थानिक गुन्हे शाखेच्या पोलिसांनी अटक केली आहे. त्यांच्याकडून 15 ग्रॅम सोन्याचे दागिने व 10 हजारांची रोकड असा एक लाख 15 हजारांचा मुद्देमाल हस्तगत करण्यात आला आहे. तुषार हबाजी भोसले (वय 23 रा. पिंपरखेड, ता. आष्टी, जि. बीड) व कानिफ उध्दव काळे (वय 22 रा. वाकी, ता. आष्टी, जि. बीड) अशी अटक केलेल्या सराईत गुन्हेगारांची नावे आहेत.

दत्तात्रय आसाराम पवार (वय 57) हे कुटुंबियांसह घराच्या पाठीमागील शेतात काम करत असताना चोरट्यांनी त्यांच्या घराचे लॉक तोडून सोन्या-चांदीचे दागिने व रोख रक्कमेसह पाच लाख 73 हजार 400 रुपयांचा ऐवज चोरून नेला होता. याप्रकरणी पवार यांनी दिलेल्या फिर्यादीवरून नगर तालुका पोलीस ठाण्यात घरफोडीचा गुन्हा दाखल करण्यात आला होता. पोलीस अधीक्षक राकेश ओला यांच्या आदेशाने या गुन्ह्याचा समांतर तपास स्थानिक गुन्हे शाखेचे पोलीस करत होते. पोलीस निरीक्षक दिनेश आहेर यांच्या मार्गदर्शनाखाली पोलीस अंमलदार भाऊसाहेब काळे, रवींद्र कर्डिले, मनोहर गोसावी, देवेंद्र शेलार, संदीप दरंदले, विजय ठोंबरे, अमोल कोतकर, भाऊसाहेब काळे, बाळासाहेब खेडकर, विशाल तनपुरे, मेघराज कोल्हे, अरुण मोरे यांचे पथक तपासकामी नियुक्त करण्यात आले होते.

गुन्ह्याचे तांत्रिक विश्लेषण करून गुन्हा उघडकीस आणण्याच्यादृष्टीने संशयित आरोपींचा शोध घेत असताना सदरचा गुन्हा रेकॉर्डवरील गुन्हेगार तुषार भोसले व कानिफ काळे यांनी केला असून ते नगर – जामखेड रस्त्यावरील मुठ्ठी चौकात सोने विक्री करण्यासाठी येणार असल्याची माहिती पोलीस निरीक्षक आहेर यांना मिळाली होती. त्यांनी पथकाला खात्री करून कारवाईचे आदेश दिले. पथकाने मुठ्ठी चौकात सापळा रचून भोसले व काळे यांना ताब्यात घेतले. त्यांनी जांब येथे घरफोडी केल्याची कबुली देत चोरीचे सोने व रोकड काढून दिली. दरम्यान भोसले व काळे हे दोघे सराईत गुन्हेगार आहेत. भोसले विरोधात नगर जिल्ह्यात दरोडा, जबरी चोरी व घरफोडीचे 23 गुन्हे दाखल आहेत. तसेच काळे विरोधात नगर व बीड जिल्ह्यात दरोड्याची तयारी, दरोडा व खून असे तीन गुन्हे दाखल आहेत.

Related Articles

Stay Connected

0FansLike
3,912FollowersFollow
0SubscribersSubscribe
- Advertisement -

Latest Articles