मुंबई येथे भारतीय जनता पार्टी च्या झालेल्या मीटिंग मध्ये महाराष्ट्रातील आगामी सर्व निवडणुकांसाठी व युव्हरचना आखण्यासाठी राज्यस्तरीय विस्तारित कोअर कमिटी नेमण्यात आली. या कोअर कमिटी मध्ये माजी मंत्री तथा प्रदेश उपाध्यक्ष राम शिंदे यांची निवड करण्यात आली आहे.
महाराष्ट्रातील पक्षाचे भविष्यातील कार्य , नियोजन , दौरे ,यात्रा, प्रचार , प्रसार व आगामी सर्व निवडणुकीचे उमेदवार निवडणे यासाठी ही समिती कार्य करते .
अहमदनगर जिल्ह्यातील भाजपाचे दिवंगत नेते मा. सूर्यभान वहाडणे , ना. स.फरांदे
यांच्या नंतर पहिल्यांदाच अहमदनगर जिल्ह्याला शिंदे यांच्या रूपाने या विस्तारित कोअर कमिटी वर सदस्य म्हणून काम करण्याची जबाबदारी मिळाल्याने भाजपा च्या सर्व पदाधिकारी व कार्यकर्त्यांनी आनंद व्यक्त केला आहे .
पक्षाने दिलेल्या गोवा येथील विधानसभा निवडणुकीची ही जबाबदारी श्री.शिंदे यांनी अतिशय जबाबदारी व नेटाने पार पाडली असून त्यांच्या कार्यकौशल्याने नक्कीच त्यांना दिलेल्या मतदारसंघात निकालाच्या माध्यमातून त्यांच्या कामाचा ठसा उमटलेला दिसणार आहे
