छत्तीसगडच्या राजनांदगाव जिल्ह्यात एका महिला आमदारावर चाकूहल्ला झाल्याची धक्कादायक घटना घडली आहे. संबंधित महिला आमदार रविवारी एका भूमीपूजनाच्या कार्यक्रमाला गेल्या होत्या. दरम्यान, व्यासपीठावर अचानक आलेल्या एका युवकाने त्यांच्यावर चाकुने हल्ला केला. या हल्ल्यात आमदारांच्या हाताला दुखापत झाली आहे. या घटनेनंतर त्वरित आरोपी तरुणाला ताब्यात घेतलं असून त्याची चौकशी केली जात आहे.
खिलेश्वर असं आरोपीचं नाव आहे. पोलिसांनी दिलेल्या माहितीनुसार, राजनांदगाव जिल्ह्याच्या खुज्जी विधानसभा मतदारसंघाच्या आमदार छन्नी चंदू साहू या डोंगरगाव पोलीस ठाण्याच्या हद्दीतील जोधरा गावात एका सार्वजनिक कार्यक्रमाला उपस्थित राहिल्या होत्या. यावेळी त्यांच्यावर हा हल्ला झाला
आमदार साहू व्यासपीठावर असताना कथित नशेत असलेल्या एका व्यक्तीने त्यांच्यावर चाकूने हल्ला केला आहे. या हल्ल्यात साहू यांना मनगटावर किरकोळ दुखापत झाली. या घटनेनंतर त्यांना तातडीने चुरिया येथील आरोग्य केंद्रात दाखल करण्यात आलं. येथे साहू यांच्यावर प्राथमिक उपचार करून त्यांना डिस्चार्ज देण्यात आला आहे.
Chhattisgarh | A woman Congress MLA suffered injuries after a man allegedly attacked her with a knife in Rajnandgaon district yesterday
MLA Chhanni Chandu Sahu says, "I had gone to Jodhra village for Bhoomi Poojan. A 21-22-year-old boy came from behind and attacked me with a… pic.twitter.com/m0m3N7msed
— ANI MP/CG/Rajasthan (@ANI_MP_CG_RJ) August 20, 2023
