विशाल लॉजींग, तिसगाव ता.पाथर्डी येथील वेश्याव्यवसायावर पिटा कायदयान्वये कारवाई
स्थानिक गुन्हे शाखा व पाथर्डी पोलीस स्टेशनची संयुक्त कामगिरी
मा.श्री.राकेश ओला, पोलीस अधिक्षक, अहिल्यानगर यांनी पोनि/श्री.दिनेश आहेर, स्थानिक गुन्हे शाखा, यांना जिल्ह्यातील अवैध धंद्याची माहिती काढुन अवैध धंद्याचे कारवाई करणेबाबत आदेश दिलेले आहेत.
नमुद आदेशान्वये पोनि/श्री.दिनेश आहेर यांनी स्थानिक गुन्हे शाखा व तपास पथकातील पोलीस अंमलदार अतुल लोटके, संतोष खैरे, बाळासाहेब नागरगोजे, जालींदर माने व ज्योती शिंदे अशांचे पथक तयार करुन त्यांना अवैध धंद्याची माहिती काढुन कारवाई करणेबाबत सुचना देवुन पथकास रवाना केले होते.
तपास पथक दिनांक 20/02/2025 रोजी पाथर्डी पोलीस स्टेशन हद्दीत अवैध धंद्याची माहिती काढत असताना पथकास गुप्त बातमीदारा मार्फत विशाल लॉजींग, तिसगाव, पाथर्डी ते अहिल्यानगर रोड येथे इसम नामे नारायण भाऊसाहेब माने, रा.ढवळेवाडी, ता.पाथर्डी हा महिलाकरवी कुंटणखाना (वेश्याव्यवसाय) चालवित आहे अशी खात्रीशीर माहिती मिळाली. तपास पथकाने सदरची माहिती पोनि/संतोष मुटकुळे, पाथर्डी पोलीस स्टेशन यांना दिली.त्यानंतर तपास पथक व पोनि/संतोष मुटकुळे व पोलीस अंमलदार नितीन दराडे, ईश्वर बेरड, ज्ञानेश्वर सानप, संदीप बडे, राजु सुद्रीक, अंजु सानप नेम.पाथर्डी पोलीस स्टेशन अशांचे संयुक्त पथक तयार करून छापा कारवाई करणेबाबत रवाना झाले.
तपास पथकाने विशाल लॉजींग, तिसगाव येथे चालणाऱ्या कुंटणखान्यावर खात्री करण्याकरीता पथकातील पोलीस अंमलदार बनावट ग्राहक म्हणुन पाठविले.पथकाने नमूद लॉजींगमध्ये वेश्याव्यवसाय चालू असलेबाबत खात्री पटल्यानंतर पंचासमक्ष विशाल लॉजवर छापा टाकुन इसम नामे नारायण भाऊसाहेब माने, वय 37, रा.ढवळेवाडी, ता.पाथर्डी, जि.अहिल्यानगर यास ताब्यात घेऊन पंचासमक्ष त्याची अंगझडती घेतली असता त्याचे ताब्यातुन 40,000/- रूपये किंमतीचा एक मोबाईल व 2,000/- रूपये रोख रक्कम असा एकुण 42,000/- रूपये किंमतीचा मुद्देमाल जप्त केला. नारायण भाऊसाहेब माने याचेसह लॉजची पाहणी करता लॉजच्या रूममध्ये 1 महिला मिळून आली.नमूद महिलेकडे विचारपुस करता तिने नारायण भाऊसाहेब माने याने तिस वेश्या व्यवसायाकरीता आणल्याचे सांगुन, ग्राहकाकडून पैस घेऊन, त्यामधुन तिला देऊन, तिचेकडून वेश्याव्यवसाय करून घेऊन त्यातुन मिळणाऱ्या पैशावर उपजीविका चालते,अशी माहिती सांगीतली.पथकाने नमूद महिलेची सुटका केली आहे.
तपास पथकाने विशाल लॉजींग, तिसगाव, ता.पाथर्डी येथे छापा टाकुन केलेल्या कारवाईमध्ये आरोपी नामे नारायण भाऊसाहेब माने, वय 37, रा.ढवळेवाडी, ता.पाथर्डी, जि.अहिल्यानगर हा स्वत:चे आर्थिक फायदयाकरीता एका महिलेकडून कुंटणखाना चालवून त्यावर आपली उपजिवीका करताना मिळून आल्याने त्यांचेविरूध्द मपोकॉ/1663 ज्योती शिवाजी शिंदे,नेम.स्थानिक गुन्हे शाखा, अहिल्यानगर यांनी दिलेल्या फिर्यादीवरून पाथर्डी पोलीस स्टेशन गुरनं 142/2025 स्त्रिया व मुली यांचे अनैतिक व्यापारास (प्रतिबंध) कायदा 1956 चे कलम 3, 4, 5, 6, 7 प्रमाणे गुन्हा दाखल करण्यात आला असून पुढील तपास पाथर्डी पोलीस स्टेशन करीत आहेत.
सदरची कारवाई मा.श्री.राकेश ओला, पोलीस अधीक्षक, अहिल्यानगर, मा.श्री.प्रशांत खैरे, अपर पोलीस अधिक्षक, अहिल्यानगर व मा.श्री.सुनिल पाटील, शेवगाव उपविभाग यांचे सुचना व मार्गदर्शना खाली स्थानिक गुन्हे शाखा व पाथर्डी पोलीस स्टेशनचे पोलीस अधिकारी व अंमलदार यांनी केलेली आहे.
