नगर तालुका व शेवगांव पो.स्टे. हद्यीत अवैध गावठी हातभट्टी व ताडी ठिकाणी छापे टाकुन ७ आरोपीविरुध्द कारवाई करुन एक लाख अठ्ठयाहत्तर हजार रुपये किमतीचे अवैध गावठी हातभट्टीची साधने व २६०० लिटर कच्चे रसायन तसेच २८५ लिटर तयार दारु, व १८० लिटर ताडीचा अवैध साठा नष्ट करण्यात आला
प्रतिनिधी – विक्रम बनकर अहमदनगर स्थानिक गुन्हे शाखेची कारवाई
अहमदनगर पोलीस अधिक्षक राकेश ओला यांचे मार्गदर्शनाखाली स्थानिक गुन्हे शाखेचे पोलीस निरीक्षक अनिल कटके यांनी स्थानिक गुन्हे शाखेतील पोलीस अंमलदार सहाय्यक फौजदार भाऊसाहेब काळे, पोलीस हेडकाँन्टेबल बबन मखरे, पोलीस नाईक शंकर चौधरी, संदीप दरंदले, ज्ञानेश्वर शिंदे, संतोष लोढे, पोलीस काँन्स्टेबल शिवाजी ढाकणे, आकाश काळे, पालवे यांचे स्वतंत्र पथक नेमून अवैध धंद्यावर कारवाई करणेबाबत आदेश दिल्याने पथकातील पोलीस अंमलदार यांनी नगर तालुका व शेवगांव पोलीस ठाणे हद्यीमध्ये रविवार दि. ३०/१०/२०२२ रोजी कारवाईची विशेष मोहिम राबवून ६ ठिकाणी छापे टकुन एकुण १,७८,०००/- रुपये किमतीचा मुद्देमाल त्यामध्ये गावठी हातभट्टी तयार करण्यासाठी लागणारे कच्चे रसायन, गावठी हातभट्टीची दारु व ताडी जप्त करुन खालील प्रमाणे ७ आरोपीविरुद्ध नगर तालुका ४ व शेवगांव पोलीस ठाण्यात २ असे एकुण महाराष्ट्र दारुबंदी कायद्यान्वये ६ गुन्हे दाखल करण्यात आलेले आहेत.
