सोशल मिडिया इन्स्टाग्रामवर ओळख झाल्यानंतर जेवणाच्या बहाण्याने हॉटेलमध्ये बोलवून पेयातून गुंगीचे औषध देऊन महिलेवर अत्याचार केल्याचा तसेच यातील अश्लिल फोटो समाज माध्यमावर प्रसारीत करून महिलेची बदनामी केल्याचा प्रकार पाथर्डी येथे समोर आला आहे. या प्रकरणी पाथर्डी पोलिसांनी एकावर गुन्हा दाखल केला आहे.
सचिन सारुक (रा.येळी, ता. पाथर्डी) असे गुन्हा दाखल झालेल्या आरोपीचे नाव आहे. पीडित महिलेने पोलीस ठाण्यात दिलेल्या तक्रारीत म्हटले आहे, संशयित सारुक व पीडितेची इन्स्टाग्रामवर तीन महिन्यांपूर्वी ओळख झाली होती. फोनवरील संभाषण वाढून अधिक ओळख झाल्यानंतर 6 जुलै 2022 रोजी दोघांची पाथर्डीत बसस्थानकावर भेट झाली. तेथुन जेवणासाठी शेवगाव रस्त्यावरील एका हॉटेलमधे दोघे गेले. तेथे थंड पेयातून पिडीतेस गुंगीचे औषध देण्यात आले.
आरामाच्या कारणाने हॉटेलच्या लॉजच्या खोलीत पिडीतेस नेऊन संशयित सारूक याने तिच्यावर अत्याचार केले. यावेळी त्याने दोघांचेही नको त्या अवस्थेतील अश्लिले फोटो काढून ठेवले. पाथर्डी पोलिसांनी संशयित सचिन सारुक विरोधात गुन्हा दाखल केला आहे. पोलिस निरीक्षक सुहास चव्हाण तपास करीत आहेत.
