पाथर्डी-तालुक्यातील माळीबाभुळगाव हद्दीतील एका विहीरीत चार मृतदेह आढळल्याने तालुक्यात खळबळ उडाली आहे. यात एक महिला व तीन मुलांचा सामावेश आहे. हे सर्वजण येथील पोल्ट्रीफार्मवर काम करणारे मजुर आहेत. या प्रकरणी चौकशीसाठी मृत महिलेच्या पतीला ताब्यात घेण्यात आले आहे.
धम्मपाल सांगडे (वय 30, रा. माळीबाभुळगाव, मुळ रा. करोडी ता. हादगाव, जि. नांदेड) असे या प्रकरणी ताब्यात घेतलेल्या व्यक्तीचे नाव आहे. तर त्याची पत्नी कांचन धम्मपाल सांगडे (26), मलगा निखील सागडे (6), मुलगी निषीधा (4) व संचिता (दिड वर्षे) यांचे मृतदेह विहिरीत सापडले आहेत. पोलीसांनी दिलेल्या माहितीनुसार माळीबाभुळगाव येथील दिपक गोळक यांच्या पोल्ट्रीफार्म शेजारील विहिरीत हे मृतदेह आढळून आले.
एकाच कुंटुबातील एक महीला, तिचा एक मुलगा व दोन मुली अशी तिन मुले यांचे हे मृतदेह आहेत. चौंघाचे मृतदेहाचे शवविच्छेदन येथील उपजिल्हा रुग्णालयात करण्यात आले आहे.पोलिसांनी अकस्मात मृत्युची नोंद केली आहे. दिपक गोळक यांचा माळीबाभुळगाव हद्दीत फ्लाईंगबर्ड शाळेच्या पाठीमागे पोल्ट्रीफार्मचा उद्योग आहे. तेथे पाच कुटुंब व इतर पाचजण मजुरीने काम करतात. त्यातील एक कुंटब धम्मपाल सांगडे याचे आहे. धम्मपाल सांगडे व त्याची पत्नी कांचन यांच्यात बुधवारी रात्री वाद झाला होता. यावेळी इतरांनी मध्यस्ती करुन वाद मिटविला. झोपल्यानंतर पुन्हा नवरो बायकोत वाद झाल्याचे समजले. त्यानंतर सकाळी पोल्टीफार्मवर काम करणारा एकजण विहिरीवर मोटार सुरु करायला गेला होता. तेव्हा निषीधा धम्मपाल सांगडे (वय- दीड वर्षे) हीचा मृतदेह विहरीच्या पाण्यावर तरंगताना दिसला. पोल्ट्रीपार्मचे चालक दिपक गोळक यांना माहीती मिळताच त्यांनी पोलिसात खबर दिली.
पोलिस निरीक्षक संतोष मुटकुळे, रामेश्वर कायंदे, सचिन लिमकर, सुरेश बाबर, कृष्णा बडे असे पोलिस अधिकारी व कर्मचारी घटनास्थळी गेले. विहरीत तिस ते पस्तीस फुट पाणी होते. विजपंपाच्या सहाय्याने पाणी उपसले. तिन ते चार तास पाणी उपसल्यानंतर मृतदेह सापडले. पोलिसांनी कांचनचा नवरा धम्मपाल सांगडे याला ताब्यात घेतले आहे. पोलिस घटनेचा तपास करीत आहेत.
