अहमदनगरमधील श्रीरामपुरात बाप लेक जागीच ठार!अहमदनगर जिल्ह्यातील श्रीरामपूर शहरात सकाळी भीषण अपघात झाला. शहरातील बेलापूर नाक्यावर टँकरखाली चिरडल्यामुळे बाप-लेकीचा करुण अंत झाला. श्रीरामपुरातील बेलापूर नाका येथील छत्रपती शिवाजी महाराज प्रवेशद्वार वेशीपासून जवळच असलेल्या श्रीकृष्ण मंदिरासमोर सकाळी पावणे दहाच्या सुमारास ही घटना घडली. भरधाव वेगाने येणाऱ्या टँकर खाली एक मोटर सायकल आली. यामुळे दोघांची टक्कर झाली. हा अपघात एवढा भीषण होता की, टँकरच्या धडकेत मोटरसायकलचा चक्काचूर झाला.
यात मोटरसायकलवरील वडील आणि मुलीचा जागीच मृत्यू झाला. या घटनेमुळे श्रीरामपूरमध्ये एकच खळबळ माजली.या घटनेची अधिक माहिती अशी की, श्रीरामपूरकडून- बेलापूरकडे चाललेला टँकर क्रमांक एमएच 43 यु 3335 या टँकरचा आणि मोटर सायकलचा अपघात झाला. बेलापूरकडून -श्रीरामपूरकडे येणारी मोटर सायकल बजाज सिटी हंड्रेड क्रमांक एम एच 17 सीएन 7131 ही गाडी आली. त्यामुळे मोटर सायकलवर मागे बसलेल्या तरुणीचा टँकरच्या चाकाखाली चिरडून मृत्यू झाला. टँकरने जवळपास शंभर फुटापर्यंत या तरुणीला फरफटत नेले. या अपघातानंतर टँकर चालक जागेवरून पसार झाला आहे
