नगर : जिल्ह्यात जानेवारी-डिसेंबर २०२५ या कालावधीत कार्यकाळ पूर्ण होत असलेल्या १५ ग्रामपंचायतीची अंतिम प्रभाग रचनेला विभागीय आयुक्तांनी मान्यता दिली आहे. या १५ आणि यापूर्वीच्या ८४ अशा ९९ ग्रामपंचायत या निवडणुकीसाठी राज्य निवडणूक आयोगाकडून या निवडणुकांचा लवकरच कार्यक्रम जाहीर होण्याची शक्यता आहे
जिल्हा ग्रामपंचायत निवडणूक विभागाने जानेवारी ते डिसेंबर २०२४ या कालावधीत मुदत संपलेल्या जिल्ह्यातील ८४ ग्रामपंचायतीचा प्रभाग रचना, मतदार याद्याचा कार्यक्रम केलेला असून सरपंचपदाचे आरक्षण काढलेले आहे. त्यात आता आणखी १५ ग्रामपंचायतीची भर पडली असून याठिकाणी निवडणुकीसाठी असणाऱ्या प्रभाग रचनेला विभागीय आयुक्तांनी मान्यता दिली आहे.
या ठिकाणी सरपंच आरक्षण जाहीर करणे राहिलेले असून त्यानंतर लगेच निवडणूक कार्यक्रम जाहीर होण्याची शक्यता व्यक्त होत आहे. दरम्यान, प्रभाग रचना अंतिम झालेल्यामध्ये श्रीगोंदे तालुक्यातील ६, संगमनेर २, कर्जत २, पारनेर २ आणि अकोले तालुक्यातील ३ ग्रामपंचायतींचा समावेश आहे.
