अहमदनगर – अहमदनगर जिल्हा परिषद कर्मचारी सोसायटीच्या चेअरमनपदी अरुण जोर्वेकर व व्हा. चेअरमन पदी चंद्रकांत संसारे यांची एकमताने बिनविरोध निवड करण्यात आली आहे. जिल्हा उपनिबंधक कार्यालयातील अध्यासी अधिकारी किरण आव्हाड यांचे अध्यक्षते खाली झालेल्या संचालक मंडळाच्या सभेत ही निवड करण्यात आली.
चेअरमनपदासाठी अरुण जोर्वेकर यांच्या नावाची सुचना संचालक कैलास डावरे यांनी मांडली, सदर सुचनेस राजु दिघे यांनी अनुमोदन दिले. व्हा. चेअरमनपदासाठी चंद्रकांत संसारे यांच्या नावाची सुचना संचालक योगेंद्र पालवे यांनी मांडली त्यास ऋषिकेश बनकर यांनी अनुमोदन दिले.
यावेळी मावळते चेअरमन संजय कडूस, संचालक प्रशांत मोरे, विक्रम ससे, विलास शेळके, भाऊसाहेब चांदणे, डॉ. दिलीप डांगे, स्वप्नील शिंदे, श्रीमती ज्योती पवार, कल्याण मुटकुळे, सुधीर खेडकर, श्रीकांत देशमाने, काशिनाथ नरोडे, अर्जुन मंडलिक, श्रीमती सुरेखा महारनूर, श्रीमती मनिषा साळवे, संतोष भैलुमे,योगेश पंडुरे सभासद नितीन निर्मळ, हरी शेळके व्यवस्थापक राजेंद्र पवार, उप व्यवस्थापक प्रशांत लोखंडे व कर्मचारी उपस्थित होते.
या प्रसंगी नुतन चेअरमन अरुण जोर्वेकर म्हणाले की, संचालक मंडळाने सभासदांना दिलेल्या सर्व आश्वासनांची पूर्तता केली आहे. भविष्यात संस्थेतर्फे कमीतकमी व्याजदरात सभासदांना कर्ज वाटप करण्याचा मानस असून संस्थेचे आर्थिक हित व सभासदांचे हित हेच ध्येय डोळ्यासमोर ठेवून सहकारी संचालक व सभासदांच्या सहकार्याने विविध योजना राबविण्यात येतील असे ते म्हणाले. व्हा.चेअरमन चंद्रकांत संसारे यांनी सर्व सहकारी संचालक यांचे आभार मानून सभासदांच्या हिताचे निर्णय घेवू असे सांगितले.
