पंढरपूरमध्ये राष्ट्रवादीचे उपनगराध्यक्ष, नगरसेवकांना जुगार खेळताना रंगेहात अटक करण्यात आली आहे. या प्रकरणी मंगळवेढा पोलिस ठाण्यात गुन्हा दाखल करण्यात आला आहे. गेल्या आठवड्यात पोलिसांनी औरंगाबादमधील जुगार अड्ड्यावर धाड टाकली होती. यावेळी काँग्रेस आणि राष्ट्रवादीचे नगरसेवक या जुगार अड्ड्यावर सापडले होते. यानंतर आता पंढरपूरमध्ये नगरसेवक जुगार खेळताना सापडले आहेत.
मंगळवेढा येथे माजी नगराध्यक्षाच्या कार्यालयातच जुगाराचा डाव सुरु होता. याची माहिती मिळताच पोलिसांनी येथे धाड आणि जुगाराचा डाव उधळून लावला. मंगळवेढा येथील राष्ट्रवादीचे उपनगराध्यक्ष चंद्रकांत घुले, नगरसेवक प्रविण खवतोडे यांच्यासह माजी नगराध्यक्ष आणि अनेक जण येथे जुगार खेळत असल्याचे पोलिसांना दिसून आले.
पोलिसांनी या सर्वांना ताब्यात घेत त्यांच्यावर गुन्हा दाखल केला आहे
