राष्ट्रवादीचे ज्येष्ठ नेते एकनाथ खडसे हे मागील आठ दिवसांपासून नॉट रिचेबल असल्याची धक्कादायक माहिती समोर आली आहे. नाथाभाऊ अचानक नॉट रिचेबल झाल्यामुळे राजकीय चर्चांना उधाण आले आहे.
राष्ट्रवादीचे नेते एकनाथ खडसे हे नेहमी आक्रमकपणे भूमिका मांडत असतात. कार्यकर्ता असो की कुणीही फोन केला तर नाथाभाऊ बोलण्यासाठी हजर असतात. पण मागील 8 दिवसांपासून एकनाथ खडसे हे नॉट रिचेबल असल्याचे समोर आले आहे. पहिल्यांदाच एकनाथ खडसे आठ दिवसांपासून नॉट रिचेबल आहेत. सर्वसामान्यांचा केव्हाही फोन रिसिव्ह करणारे मात्र पहिल्यांदाच नॉट रिचेबल झाल्याने खडसे समर्थक संभ्रमात पडले आहे.
