जेव्हा एखादी व्यक्ती कोणाच्या तरी प्रेमात पडते तेव्हा तिला किंवा त्याला प्रपोज कसे करायचे, असे अनेक प्रश्न त्या व्यक्तीला पडतात. यासाठी अनेकजण चित्रपटांमध्ये दाखवलेले प्रपोज करतानाचे स्टंट करण्याचा प्रयत्न करतात. असाच एक प्रपोज करतानाचा व्हिडिओ सोशल मीडियावर मोठ्या प्रमाणात व्हायरल होत आहे. एक तरुण एक तरुणीला प्रपोज करण्यासाठी एक फिल्मी स्टाईल स्टंट करतो पण पुढल्याच क्षणी त्यासोबत असे काही घडते की तो स्वतः जमिनीवर पडतो. हा व्हिडिओ सोशल मीडियावर मोठ्या प्रमाणात शेअर केला जात आहे.
मुलीला प्रपोज करण्यासाठी तरुण स्टंट करण्याचा प्रयत्न करतो पण त्यात तो कसा अपयशी ठरतो हे तुम्ही या व्हिडिओमध्ये पाहू शकता. व्हिडिओमध्ये तुम्ही पाहू शकता की, एक तरुण काही अंतरावर उभ्या असलेल्या एका तरुणीला प्रपोज करण्यासाठी बाईक घेऊन स्टंट करण्याचा प्रयत्न करतो. मात्र तो स्टंट करणार तितक्यात असे काही होते की त्याचा बाईकवरून तोल सुटतो आणि तो खाली पडतो. समोर उभी असलेली मुलगी त्याला अशाप्रकारे पडलेला पाहून बघतच राहते.
