मुक्ताईनगर : राष्ट्रवादीचे दिग्गज नेते एकनाथ खडसे यांच्या मुक्ताईनगरात राष्ट्रवादी काँग्रेसचे कार्यकर्ते शिवसेनेत दाखल होत आहेत. आगामी जिल्हा परिषद निवडणुकांच्या तोंडावर राष्ट्रवादीतील अनेक कार्यकर्त्यांनी शिवसेनेत प्रवेश केला आहे. मुक्ताईनगर तालुक्यातल्या राष्ट्रवादीच्या तरुण शेकडो युवकांनी आज स्थानिक आमदार चंद्रकांत पाटील यांच्या उपस्थितीत शिवबंधन हाती बांधले. चंद्रकांत निंबा पाटील हे शिवसेनेचा जळगाव जिल्हा अध्यक्ष आहेत. याआधी बोदवड नगरपंचायतीमध्ये एकनाथ खडसे यांना चंद्रकांत पाटील यांनी हादरा दिला होता. त्यापाठोपाठ हा खडसेंना दुसरा धक्का मानला जात आहे.
