शेगावला निघालेल्या भाविकांवर काळाचा घाला, पाच जण मृत्युमुखी

0
1355

बुलडाणा : बोलेरो कार आणि ट्रक यांचा भीषण अपघात झाल्याची घटना समोर आली आहे. बुलडाणा जिल्ह्यातून जाणाऱ्या खामगाव – जालना महामार्गावर देऊळगाव राजा जवळ ही दुर्घटना घडली. या अपघातात पाच जणांना प्राण गमवावे लागले. मृतांमध्ये कार चालकाचाही समावेश आहे. तर चौघे जण जखमी झाले आहेत. जालना येथून शेगाव येथे गजानन महाराजांच्या दर्शनासाठी भाविक निघाले होते. मात्र त्याआधीच त्यांच्यावर काळाने घाला घातला. यावेळी बोलेरो कारची ट्रकसोबत भीषण धडक झाली. सोमवारी पहाटे साडे पाच वाजताच्या सुमारास हा अपघात झाला.

देऊळगाव राजा जवळ भाविकांच्या बोलेरो गाडीला भीषण अपघात झाला. या अपघातात 5 जण ठार झाले, तर चार जण जखमी झाले आहेत. बुलडाणा जिल्ह्यातून जाणाऱ्या खामगाव – जालना महामार्गावर बोलेरो गाडी आणि ट्रकमध्ये भीषण धडक झाल्याने अपघात झाला.