पंतप्रधानांच्या हस्ते पुणे मेट्रो रेल्वे प्रकल्पाचे उद्घाटन- मेट्रोचे पुणेकरांचे स्वप्न पूर्ण
पंतप्रधान नरेंद्र मोदी यांच्या हस्ते पुणे मेट्रो रेल्वे प्रकल्पाचे आज उद्घाटन झाले . पुण्यातील नागरी वाहतुकीसाठी जागतिक दर्जाच्या पायाभूत सुविधा उपलब्ध करून देणारा हा प्रकल्प आहे. 24 डिसेंबर 2016 रोजी पंतप्रधानांच्या हस्ते या प्रकल्पाची पायाभरणी करण्यात आली होती. एकूण 32.2 किमी लांबीच्या पुणे मेट्रो रेल्वे प्रकल्पाच्या 12 किमी लांब मार्गाचे उद्घाटन आज पंतप्रधानानी केले . संपूर्ण प्रकल्प 11,400 कोटी रुपयांपेक्षा अधिक खर्च करून बांधला जात आहे.पंतप्रधानांनी गरवारे मेट्रो स्थानकातील प्रदर्शनाचे उद्घाटन आणि पाहणी केली आणि त्यानंतर अपच्या माध्यमातून मेट्रो तिकीट विकत घेऊन पंतप्रधानांनी उपस्थित मान्यवर यांच्यासह आनंदनगर मेट्रो स्थानकापर्यंत मेट्रोने प्रवास केला. या प्रवासादरम्यान त्यांनी युवा विशेषतः दिव्यांग मुला मुलींशी संवाद ही साधला
