परळीत धनंजय मुंडेंच्या स्वागतासाठी उभारण्यात आलेल्या स्टेजच्या बॅनरवर संसदेचा फोटो लावण्यात आला होता. त्यामुळे धनंजय मुंडे गल्लीतून दिल्लीत जाण्याच्या तयारीत असल्याचे स्पष्टे संकेत मिळत आहेत. तर बीड जिल्ह्यावर आमचाच झेंडा कायम राहिल, असा दावा भाजपच्या नेत्यांनी केलाय.
यावेळी शेरोशायरीच्या माध्यमातून धनंजय मुंडेंनी विरोधकांना उत्तर दिलं. ‘कुच लोग मेरे बारेमे बोल रहे है, मैने कभी पिठे पीचेसे वार नहीं किये.. लढेंगे तो सामने..वक्त ने थोडासा साथ नही दिया तो लोगोने मेरी काबिलियत पर शक कर दिया,’ अशी शायरी धनंजय मुंडे यांनी केली.
बीड लोकसभा मतदारसंघात सध्या प्रितम मुंडे खासदार आहेत. मात्र आता त्यांच्याच मतदारसंघात धनंजय मुंडे पाऊल ठेवणार आहेत. मात्र राष्ट्रवादी काँग्रेसला जिल्ह्यातील मतदार थारा देणार नाहीत, अशी टीका भाजप प्रवक्ते राम कुलकर्णी यांनी केली आहे.
