तामिळनाडूतील कांचीपुरम येथील एका आमदाराला बस चालवण्याची हौस चांगलीच महागात पडलं आहे. खरं तर अनेक लोकप्रतिनिधींना विविध कामांचे उद्घाटन करायला खूप आवडत हे आपणाला माहिती आहे. पण सध्या एका आमदाराने रस्त्याचे उद्घाटन केल्यानंतर थेट बस चालवण्याचं केलेलं धाडस भलतच महागात पडलं आहे. कारण या आमदारांनी बस चालवताना झालेल्या अपघाताचा व्हिडीओ सध्या सोशल मीडियावर व्हायरल होत आहे.
तामिळनाडूतील कांचीपुरम येथील डीएमकेचे आमदार सीव्हीएमपी एझिलारासन यांनी बुधवारी त्यांच्या मतदारसंघातील एका नवीन बस मार्गाचे उद्घाटन केले. यावेळी आमदारांनी सरकारी बसला हिरवी झेंडा दाखवला आणि त्यांनी चक्क बस चालवायला घेतली. आमदारांनी बस चालवण्यापूर्वी बसची पूजाही केली. शिवाय आता चक्क आमदारसाहेबच बस चालवणार म्हटल्यावर कार्यकर्ते मागे कसे राहतील? त्यामुळे आमदार बसमध्ये चढताच त्यांच्या पक्षाचे अनेक कार्यकर्तेही बसमध्ये चढले आणि आमदारांनी काही अंतरावर बस चालवत नेलीसुद्धा. शिवाय आमदार चालवत असलेल्या बसवर माजी मुख्यमंत्री करुणानिधी, विद्यमान मुख्यमंत्री स्टॅलिन आणि क्रीडा मंत्री उदयनिधी स्टॅलिन यांचे फोटो लावल्याचंही व्हिडीओत दिसत आहे.
The video of this DMK MLA driving people into a ditch perfectly summarises the Dravidian rule under @mkstalin avl !! pic.twitter.com/ifIee9GnKz
— KhushbuSundar (@khushsundar) April 5, 2023
