भाजपाचे माजी खासदार किरीट सोमय्या यांचा एक वादग्रस्त व्हिडीओ व्हायरल झाला. त्यावर अनेक प्रतिक्रियाही उमटल्या. तर पावसाळी अधिवेशनातही या घटनेचे पडसाद उमटले. अशात आता शिवसेना उद्धव बाळासाहेब ठाकरे पक्षाचे प्रमुख आणि माजी मुख्यमंत्री उद्धव ठाकरे यांनी याविषयी प्रतिक्रिया दिली आहे. या संपूर्ण घटनेबाबत उद्धव ठाकरे यांनी काहीही प्रतिक्रिया दिली नव्हती. मात्र आज ते विधान भवनात आले होते. तिथे त्यांना किरीट सोमय्यांबाबत प्रश्न विचारण्यात आला. त्यावर त्यांनी उत्तर दिलं आहे.
“मी असे किळसवाणे आणि बीभत्स व्हिडीओ कधीही बघत नाही.परंतु त्यावर काल जनतेने आणि खास करुन राज्यातल्या माता-भगिनींनी प्रतिक्रिया दिली आहे. त्यांच्या भावनांची कदर सरकारने केली पाहिजे.” असं म्हणत उद्धव ठाकरेंनी किरीट सोमय्यांच्या व्हिडीओचा विषय संपवला आहे.
