राष्ट्रवादी काँग्रेसचे सर्वेसर्वा शरद पवार शुक्रवारी पुण्यातील दगडुशेठ हलवाई गणपती मंदिराच्या परिसरात आले होते. मात्र, आज मी मांसाहारी पदार्थ खाल्ल्याने मंदिरात जाणार नाही, असे शरद पवार यांनी सांगितले होते. याच मुद्द्यावरून भाजपच्या अध्यात्मिक आघाडीचे प्रमुख तुषार भोसले यांनी शरद पवार यांच्यावर टीका केली.
आज आपल्याला दगडूशेठ गणपतीच्या मंदिरात जायचे आहे, हे माहिती असूनही शरद पवार यांनी नॉनव्हेज कसं खाल्लं? शरद पवार यांची हिंदू देवी-देवतांवर श्रद्धाच नाही. त्यामुळे ते मंदिरात जातीलच कसे? मौलाना शरद पवार यांचा काल जुम्मा होता, त्यामुळेच त्यांनी नॉनव्हेज खाल्ल्याचे कारण देत मंदिरात जाण्यास नकार दिला. एरवी शरद पवार हे इफ्तार पार्ट्या झोडत फिरत असतात. पण दगडुशेठच्या मंदिरात जाण्याची पवारांना एलर्जी आहे. त्यांनी कितीही कारणे दिली तरी शरद पवार हे नास्तिक आहेत, ही गोष्ट संपूर्ण महाराष्ट्राला माहिती असल्याचे तुषार भोसले यांनी म्हटले.
