अहिल्यानगर -नगर-मनमाड महामार्गावर एमआयडीसी पोलीस ठाण्याच्या हद्दीत बोल्हेगाव फाटा परिसरात एका ३६ वर्षीय तरुणाचा दगडाने ठेचून खून करण्यात आल्याची खळबळजनक घटना उघडकीस आली आहे.ही घटना शनिवारी (११ जानेवारी) सकाळी उघडकीस आली असून खुनाचे कारण अद्याप स्पष्ट झालेले नाही. मयत व्यक्तीचे नाव अश्विन मारुती कांबळे (वय 36, रा. जत्राड, तालुका निपाणी, जि. बेळगाव; हल्ली रा. गणेशनगर, नागापूर) असे आहे.
बोल्हेगाव फाटा परिसरात स्वराज ट्रॅक्टर शोरूमच्या बाजूला असलेल्या मोकळ्या प्लॉटमध्ये ही घटना घडली.घटनेची माहिती कळताच एमआयडीसी पोलीस ठाण्याचे सहाय्यक पोलीस निरीक्षक माणिक चौधरी आणि स्थानिक गुन्हे शाखेचे पथक घटनास्थळी पोहोचले.
कामगारांधील आपसातील वाद यामुळे यापूर्वीही अनेक घटना घडल्या आहेत. शनिवारी सकाळी पुन्हा दगडाने ठेचून युवकाचा खून केल्याची घटना उघडकीस आली आहे. मात्र, खुनाचे कारण अद्याप समजले नसून पोलीस आरोपींचा शोध घेत आहे. या घटनेची माहिती कळताच पोलीस अधीक्षक राकेश ओला, एमआयडीसी पोलीस ठाण्याचे सहायक पोलीस निरीक्षक माणिक चौधरी तसेच स्थानिक गुन्हे शाखेचे पथक घटनास्थळी दाखल झाले. परिसराची पाहणी केली. अधिक तपास एमआयडीसी पोलीस करीत आहेत.
