या सर्व घडामोडींच्या पार्श्वभूमीवर मुंबईत भारती लव्हेकर यांनी आयोजित केलेल्या मंगळागौर कार्यक्रमाला देवेंद्र फडणवीसांच्या पत्नी अमृता फडणवीस यांनी टीव्ही ९ शी बोलताना भेटी-गाठींच्या चर्चांवर सूचक विधान केलं. “एवढ्यात मला कल्पना नाही की गुपचूप कोण भेटतंय. पण भेटणं कधीही चांगलं. तुम्ही गुपचूप भेटा किंवा सर्वांसमोर भेटा. प्रेमाने भेटा ही सगळ्यात महत्त्वाची गोष्ट आणि भेटत राहा”, असं अमृता फडणवीस म्हणाल्या आहेत. शिवसेनेतील फुटीवेळी एकनाथ शिंदे व देवेंद्र फडणवीस गुप्तपणे कसे भेटत होते, यासंदर्भात अमृता फडणवीसांनी केलेल्या काही विधानांची तेव्हा चांगलीच चर्चा रंगली होती.
