बीडच्या अंबाजोगाई शहरात पोलिस उपनिरीक्षक एसीबीच्या जाळ्यात अडकला आहे. दाखल गुन्ह्यात प्रतिबंधक कारवाईसाठी स्थानिक गुन्हे शाखेकडे न पाठवता, तहसिल कार्यालयात जामीन करण्यासाठी ५० हजार रुपयांच्या लाचेची मागणी. मात्र , तडजोड अंती ४० हजार रुपये लाच स्विकारण्याचे मान्य केल्यानंतर, अंबाजोगाई शहर ठाण्यातील पीएसआयवर गुन्हा दाखल करण्यात आला आहे.
गोपाल दिंगबरा सुर्यवंशी (वय-३४) रा. कामखेडा, ता रेणापुर असे लाचखोर पोलीस उपनिरीक्षकाचे नाव आहे. सुर्यवंशी हे अंबाजोगाई शहर ठाण्यात कार्यरत होते. त्यांनी तक्रारदार व त्याचा मित्र यांच्याविरुद्ध दाखल गुन्ह्यात प्रतिबंधक कारवाई स्थानिक गुन्हे शाखेकडे न करता अंबाजोगाई तहसील कार्यालयात करण्यासाठी, २६ एप्रिल रोजी तक्रारदारास ५० हजार रुपयांच्या लाचेची मागणी केली होती. तडजोडअंती ४० हजार रुपये स्विकारण्याचे मान्य केले.
