वादग्रस्त वक्तव्यांमुळे नेहमीच चर्चेत असलेले कालीचरण महाराज उर्फ अभिजीत धनंजय सराफ यांना वादग्रस्त वक्तव्य भोवले आहे. अहमदनगर शहरातील तोफखाना पोलीस ठाण्यामध्ये कालीचरण महाराज उर्फ अभिजीत धनंजय सराफ यांच्यावर दोन समाजात तेढ निर्माण होईल असे वक्तव्य केल्याप्रकरणी गुन्हा दाखल करण्यात आला आहे.
अहमदनगर शहरात सकल हिंदू समाजातर्फे १४ डिसेंबर २०२२ रोजी हिंदू जनआक्रोश मोर्चाचे आयोजन करण्यात आले होते. या मोर्चाला कालिपुत्र कालीचरण महाराज आणि गुजरातमधील काजलदीदी हिंदुस्थानी उपस्थित होते.
यावेळी कालीचरण महाराज यांनी मोर्चानंतर झालेल्या सभेत दोन समाजात तेढ निर्माण होईल असे वक्तव्य केले होते. या प्रकरणी आता तोफखाना पोलीस ठाण्यामध्ये कालीचरण महाराज यांच्याविरोधात १५३ (अ) आणि ५०७ (२) या कलमांन्वये गुन्हा दाखल केला आहे.
