राज्यभर प्रसिद्ध असणारे कळंब तालुक्यातील मलकापूर येथील एकनाथ सुभाष लोमटे महाराज यांच्यावर येरमाळा पोलिसात विनयभंगचा गुन्हा दाखल झाला आहे. या घटनेमुळे एकच खळबळ उडाली आहे.राष्ट्र संत म्हणून बिरुदावली मिरवणारे एकनाथ महाराज यांचं अध्यात्मिक क्षेत्रात प्रसिद्ध आहेत. सामान्यांपासून ते राजकारण्यांमध्ये महाराजांची कायम उठबस असते. महाराज यांनी काल महिला दर्शनासाठी आली असता तिचा विनयभंग केला. इतकच नाही तर मी तुला गुंगीचं औषधं देऊन तुझ्यावर बलात्कार केला आणि त्याचा व्हिडिओ देखील शूट केल्याची धमकी देखील लोमटे महाराज यांनी पीडित महिलेला दिल्याची माहिती समोर आली आहे. या पीडितेच्या तक्रारीवरून लोमटे महाराजांवर गुन्हा दाखल झाला आहे.
गुन्हा दाखल होताच लोमटे महाराज फरार झाले आहेत
