नाशिक जिल्हात नाफेडनं कांदा खरेदी करण्याबाबतच्या अटी आणि शर्तींचं बॅनरच लावलंय. यात अनेक अटी घालण्यात आल्या आहेत. केवळ दर्जेदार कांदाच खरेदी केला जाणार असल्याचा उल्लेख या बॅनरवरील अटींमध्ये करण्यात आलाय. त्यामुळे नाफेडची कांदा खरेदी केवळ गाजर ठरण्याची शक्यता आहे.
नाशिक जिल्ह्यामध्ये नाफेडने बाजार समितीत कांदा खरेदी न करता केवळ बॅनर लावून शेतकऱ्यांची बोळवण करण्याचा प्रयत्न केला आहे. मात्र हे करताना त्यात अटी शर्ती ठळकपणे समोर मांडल्या आहेत. त्यामुळे कुठलाही शेतकरी आपला कांदा घेऊन केंद्रावर विक्री करण्यास जाणार नाही. प्रति हेक्टर 280 क्विंटल पेक्षा जास्त कांदा स्वीकारला जाणार नाही.
दर्जेदार 45 मिमीच्या पुढचा चांगला कांदा चालेल.
पुढील कांदा स्वीकारला जाणार नाही
विळा लागलेला, पत्ती लागलेला, काजळी असलेला, रंग गेलेला, उन्हामुळे चट्टे पडलेला, आकार बिघडलेला, कोंब फुटलेला, गरम मऊ असलेला, बुरशीजन्य, वास येत असलेला, मुक्त बेले असलेला
नाफेडचे कांदा खरेदीचे निकष बघा.. #OnionPrices #farmers pic.twitter.com/wqaLUI45X7
— Abhijit Karande (@AbhijitKaran25) August 26, 2023
