काँग्रेस आमदार डॉ. सुधीर तांबे आणि त्यांचा मुलगा, काँग्रेस नेते सत्यजीत तांबे यांनी नाशिक पदवीधर मतदारसंघातील उमेदवारीवरून बंडखोरी केली. त्यानंतर काँग्रेसचे प्रदेशाध्यक्ष नाना पटोले यांनी बंडखोरांच्या पाठिशी उभं राहणार नाही, असं सूचक वक्तव्य केलं. इतकंच नाही तर पक्षश्रेष्ठींना तक्रार करून सुधीर तांबेंचं निलंबनही केलं. यावर आता सत्यजीत तांबेंना विचारण्यात आलं. त्यावर त्यांनी एका वाक्यात सूचक वक्तव्य केलं. ते बुधवारी (१८ जानेवारी) नाशिकमध्ये माध्यमांशी बोलत होते.
“बंडखोरांच्या पाठिशी उभं राहणार नाही” या नाना पटोलेंच्या वक्तव्यावर सत्यजीत तांबे म्हणाले, “मी यापूर्वीच सांगितलं आहे की, या प्रकरणावर योग्यवेळ आल्यावर आम्ही बोलू.”
