राज्यातील एकनाथ शिंदे यांच्या नेतृत्वाखालील सरकारला दोन महिन्यांचा कालावधी पूर्ण झाला आहे. या सरकारच्या एकूण कारभाराकडे तुम्ही कसं पाहता? असा प्रश्न शरद पवार यांनी पत्रकार परिषदेत विचारण्यात आला. या प्रश्नावर शरद पवार यांनी त्यांच्या खास शैलीमध्ये उत्तर देताना, “मला कारभार काही दिसला नाही” असा टोला लगावला. पुढे बोलताना शरद पवारांनी मुख्यमंत्री एकनाथ शिंदेंच्या दौऱ्यांवर खोचकपणे टीप्पणी केल्याचं पहायला मिळालं. “दोन महिन्यांमध्ये आपल्याला सरकारचा कारभार दिसला नाही पण (सरकार) गतीमान झालं आहे. राज्यप्रमुख गतीमान असून राज्य समजून घ्यासाठी फिरत आहेत,” असं पवार यांनी म्हटलं.
