शिवसेना आणि शिंदे गटातील वाद दिवसेंदिवस वाढत जाताना दिसत आहे. गणपती विसर्जनाच्या दिवशी प्रभादेवीत शिंदे गट आणि शिवसेनेत झालेल्या वादावादीनंतर आज मध्यरात्री दोन्ही गटामध्ये जोरदार राडा झाला. वादावादीचं रुपांतर हाणामारीत झाले. दादर पोलीस स्टेशन परिसरात दोन्ही गट आमनेसामने आले होते. यावेळी शिंदे गटाचे आमदार सदा सरवणकर यांनी गोळीबार केला, असा आरोप करण्यात आला आहे. सदा सरवणकर यांनी मात्र आपल्यावर केलेले आरोप फेटाळून लावले आहेत.
