उपमुख्यमंत्री देवेंद्र फडणवीस आणि अमृता फडणवीस यांच्याकडे एक ‘पॉवर कपल’ म्हणून पाहिले जाते. देवेंद्र फडणवीस आणि अमृता फडणवीस कायमच विविध कारणांनी चर्चेत असतात. अमृता फडणवीसांना कलाक्षेत्राची आवड असून ती उत्तम गायिका आणि समाजसेविकाही आहेत. अमृता फडणवीस या कायमच त्यांचं मत ठामपणे मांडताना दिसतात. नुकतंच देवेंद्र फडणवीसांनी पत्नीच्या मत मांडण्याबद्दल भाष्य केले.
देवेंद्र फडणवीसांनी काही दिवसांपूर्वी ‘खुपते तिथे गुप्ते’ या कार्यक्रमात हजेरी लावली. यावेळी त्यांना पत्नी अमृता फडणवीसांबद्दल प्रश्न विचारण्यात आले. “अमृता वहिनी अगदी बेधडक मत मांडतात, कृती करतात. राजकारणात असं फार कमी वेळा दिसतं. एकमेकांना स्पेस दिल्यामुळे तुमची जोडी अगदी अनुरुप वाटते. स्पेस देणं, एकमेकाना समजून घेणं हे तुम्ही कसं काय जमवलं”, असा प्रश्न अवधूत गुप्तेने त्यांना विचारला. त्यावर त्यांनी स्पष्टपणे उत्तर दिलं.
मला असं वाटतं की हे काही जमवावं लागत नाही. आम्ही पहिल्या दिवसापासूनच असं ठरवलं होतं की तिने तिचं जीवन जगायचं आणि मी माझं जीवन जगणार. व्यक्ती म्हणून तिची काही मत आहेत. मला पटतात असं नाही”, असे देवेंद्र फडणवीस म्हणाले.
