प्रसिद्ध अभिनेता नाना पाटेकर यांना आपल्या अभिनयाने सर्वच प्रेक्षकांची मनं जिंकली आहे. चित्रपट हिंदी असो वा मराठी नाना पाटेकर यांचा अभिनय नेहमीच लक्षात ठेवण्यासारखा असतो. नाना पाटेकर हे उत्तम अभिनेते असण्याबरोबरच त्यांना जेवण करण्याची विशेष आवड आहे. नुकतंच ज्येष्ठ अभिनेत्री नीना कुळकर्णी यांनी नाना पाटेकरांचा एक व्हिडीओ पोस्ट केला आहे. त्यात त्यांनी नाना पाटेकरांच्या फार्म हाऊसची झलक दाखवली आहे.
नीना कुळकर्णी यांनी त्यांच्या इन्स्टाग्रामवर एक व्हिडीओ पोस्ट केला आहे. या व्हिडीओत त्या भक्ती आचरेकर आणि नाना पाटेकर यांच्याबरोबर फार्म हाऊसची सफर करताना दिसत आहे. यावेळी नानांनी बनवलेलं जेवण, केलेली उठाबस आणि फार्म हाऊसमध्ये असलेल्या विविध गोष्टीही दाखवल्या आहेत.
