आपल्या बहुरंगी अभिनयाने, सूत्रसंचालन, नृत्याने प्रेक्षकांना आपलंस करणाऱ्या प्राजक्ता माळीने अल्पावधीतच आपली एक वेगळी छबी निर्माण केली. प्राजक्ता माळी सोशल मीडियावर प्रचंड सक्रीय असते. तिच्या आगामी प्रोजेक्टबद्दल माहिती नेहमी सोशल मीडियावर शेअर करत असते. प्राजक्तानं तिच्या चाहत्यांसोबत एक आनंदाची बातमी शेअर केली आहे. प्राजक्तानं नवीन घर घेतल आहे आणि तेही तिच्या आवडत्या शहरात. याबद्दल ई टाईम्सने देखील वृत्त दिलं आहे.
प्राजक्तानं सोशल मीडियाच्या माध्यमातून चाहत्यांसोबत एक आनंदाची बातमी शेअर केली आहे. प्राजक्तानं पुण्यात तिचं स्वप्नातलं घर घेतलं आहे. सोशल मीडियावर प्राजक्तानं घराच्या पाटीचा एक फोटो देखील शेअर केला आहे. यावरती प्राजक्ता माळी असं लिहिलं आहे सोबत तिच्या घराचा नंबर 1704 असा देखील लिहिला आहे. तिच्या या ड्रीम होमची पाटी खूपच सुंदर आहे.
