दिग्गज अभिनेते रजनीकांत यांचा जेलर चित्रपट गुरुवारी (१० ऑगस्ट) रोजी प्रदर्शित झाला. या चित्रपटाची दाक्षिणात्य राज्यांमध्ये प्रचंड क्रेझ पाहायला मिळत आहे. अशातच चेन्नईच्या क्रोमपेट भागातील वेत्री थिएटरबाहेर ‘जेलर’ चित्रपटाला नकारात्मक रिव्ह्यू दिल्याबद्दल रजनीकांत यांच्या चाहत्यांनी दोन व्यक्तींना मारहाण केली.
रजनीकांत यांचे चाहते गुरुवारी त्यांच्या चित्रपटाच्या प्रदर्शनाचा आनंद साजरा करण्यासाठी चेन्नईतील वेगवेगळ्या थिएटरमध्ये जमले. त्यांनी फटाके फोडले, रजनीकांत यांची पूजा केली आणि चित्रपटाच्या गाण्यांवर डान्स केला. वेत्री थिएटरमध्ये चाहत्यांनी चित्रपटाचा संगीतकार अनिरुद्धबरोबर ‘हुक्कूम’ गाणे गायले. यावेळी फर्स्ट डे फर्स्ट शो पहिल्यानंतर पत्रकारांशी बोलताना ‘जेलर’ चित्रपटाचे नकारात्मक रिव्हूय दिल्याबद्दल रजनीकांत यांच्या चाहत्यांनी दोन व्यक्तींना मारहाण केली.
Vijay fans thought it would be like Social media.. Feeling bad for them.. #JailerFDFS pic.twitter.com/hykdwbg2yn
— Trollywood 𝕏 (@TrollywoodX) August 10, 2023
