अभिनेत्री श्रद्धा कपूर ‘तू झुठी में मक्कार’ चित्रपटापासून चांगलीच चर्चेत आहे. बॉलीवूडमधील आघाडीची अभिनेत्री म्हणून श्रद्धाला ओळखले जाते. अभिनयाबरोबर श्रद्धाचा निरागसपणा, नम्रपणा नेटकऱ्यांना भावतो. नुकताच श्रद्धाचा एक व्हिडीओ सोशल मीडियावर व्हायरल होत आहे. या व्हिडीओमध्ये एक चाहता चक्क गुडघ्यावर बसत तिला प्रपोज करताना दिसत आहे. व्हिडिओमध्ये श्रद्धा तिच्या कारमधून खाली उतरताना दिसत आहे. श्रद्धा तिच्या गाडीतून खाली उतरताच एक चाहता गुलाब पुष्पगुच्छ घेऊन येताना दिसत आहे. एवढचं नाही तर त्याने मांडीवर बसत श्रद्धाला प्रपोज केलं. श्रद्धाही हसत हसत त्याच्या पुष्पगुच्छाचा स्विकार करताना दिसत आहे. तसेच त्याच्याबरोबर हात मिळवतानाही दिसत आहे.
