राष्ट्रवादी काँग्रेस शरदचंद्र पवार पक्षाचे उमेदवार नीलेश लंके यांनी हनुमान जयंतीच्या मुहूर्तावर साध्या पद्धतीने दोन उमेदवारीअर्ज दाखल केले.
काल झालेल्या सभेत मुख्यमंत्री एकनाथ शिंदे यांनी नो लंके-ओन्ली विखे अशी घोषणा दिली. यासंदर्भात बोलताना लंके म्हणाले, मुख्यमंत्री व माझे जवळचे संबंध आहेत. ते मला व मी त्यांना जवळून ओळखतो. त्यामुळे कोणी आमच्यामध्ये वितुष्ट निर्माण करण्याचा प्रयत्न करू नये. मुख्यमंत्र्यांनी काल झालेल्या सभेत लंका दहन करण्याचे आवाहन केले. या संदर्भात बोलताना लंके म्हणाले, की एखाद्याच्या व्यासपीठावर गेल्यानंतर अशा पद्धतीची भाषणे करावी लागतात. त्यासाठी टाळ्या मिळतात. परंतु आपण त्याला उत्तर दिलेच पाहिजे असे नाही.